Mosterdsaad Skenkings

U kan op die volgende maniere betrokke raak en help by Mosterdsaad Gemeenskap Hulp.

Please Share

1: Aflewering

U kan enigiets wat U wil skenk, aflewer. U kan eers vir Maggie bel en U plan verduidelik. Maggie se nommer en adres is onder aan die blad.

Gewilde skenkings sluit in, maar is nie beperk tot nie:
Kos, Klere, meubels, elektriese toerusting, Skool Klere, Komberse en warm goed vir die winter, Skoene. Basies enigiets wat by U oortollig is. U kan dit wel verkoop vir n klein bedrag, maar dit gee soveel meer satisfaksie om dit te skenk, as om vir n weg gee prys te verkoop. Begin sommer nou alles wat U nie gebruik nie, bymekaar te sit, gereed om te gaan aflewer.
Waarvoor wag? Dit gaan tog net n probleem wees aan die einde van die dag. (As jy moet trek of iets oorkom)

map

2: Direkte bank inbetaling (EFT) (Mosterdsaad Gemeenskap Hulp)

Maak n direkte bank inbetaling, sommer deur U Bank se applikasie of deur die internet. U sal weet hoe U dit gewoonlik doen.

Bankbesonderhede is:
Mosterdsaad
FNB – Cheque Rek
Wilkoppies – 250053
Rek. No. 62805551977

banking details
Mosterdsaad Skenkingsbeleid

Mosterdsaad Skenkingsbeleid

1. Algemeen

  • Mosterdsaad is 'n organisasie met Christelike beginsels.
  • Geen Skenkings word privaat aangewend nie.
    • Die helpers is vrywilligers wat in sekere gevalle op dieselfde voorwaardes as ander 'n kospakkie ontvang.
  • Dit is 'n voorreg om by Mosterdsaad 'n skenking te ontvang, nie 'n REG nie.
  • Daar kan net uitgedeel word as Mosterdsaad iets ontvang.
  • Hulp word slegs aan minderbevoorregtes verleen.

2. Tye vir die uitdeel van skenkings is as volg:

  • Maandae: 09:00 – 13:00
  • Dinsdae: 09:00 – 13:00
  • Donderdae: 09:00 – 13:00

3. Skenkers prosedure

  • Skenkers is enige dag van die week welkom om skenkings te doen.
  • Alle skenkings word aangeteken sodra dit ontvang word.

4. Ontvangers van skenkings

  • Ontvangers van skenkings moet 'n vrywaringsvorm teken.
  • Mosterdsaad keur skenkings vir 'n periode van drie maande goed.
  • Alle ontvangers teken vir enige skenking wat hulle van Mosterdsaad ontvang.
  • Gesinne word sodra hulle om hulp aansoek doen, volgens aantal persone in die gesin ingedeel.
    • Mosterdsaad kontroleer alle spesifieke inligting oor die gesin.
  • Ontvangers kies vooraf op watter dag van die week hulle hul kospakkie wil kom haal.
    • Ontvangers van skenkings ontvang een kospakkie per week na gelang van hulle gesin grootte.

5. Eetbare skenkings

  • Alles wat inkom word binne die produkte se rakleeftyd uitgedeel.
  • Vleis, jogurt, melk en sappe word binne 'n dag of twee uitgedeel sonder om die koue ketting te breek.
  • Brood en deeg word ook binne 'n dag of twee uitgedeel.
  • Voedsel met 'n langer rakleeftyd (Meel, Pasta, Rys, ens) word ook na gelang van behoefte uitgedeel (meestal binne 'n dag of twee)
  • Blikkieskos word ook na gelang van behoefte uitgedeel maar mag na gelang van rakleeftyd eers gebêre word en later na gelang van behoefte uitgedeel word.
  • Kos met 'n lang rakleeftyd (Suiker, tandepasta, tandeborsels, ens.) word tradisioneel gebêre vir spesiale geleenthede (Kersfees, paasfees, partytjies, die winter ens.)

6. Nie-eetbare skenkings

Klere, skoene, truie, ens. word dieselfde dag wat dit geskenk word uitgepak en volgens geslag, grootte en seisoen uitgestal. Voornemende ontvangers kan enige iets sonder koste uitkies.

Scroll to Top